اليوم : الأربعاء .. الموافق: 15-2-1432هـ ..
نرجع لورا ..قبل 7 أياام ..
في مثل هذا اليوم الاسبوع الماضي .. الأربعاء ..8-2
طبعا كنا متفقين كلنا بما انه اخر يوم نداوم فيه نجيب معنا فطور ..
دخلت من باب المدرسه في الصباح طلعت فوق وحطيت خلية النحل اللي سويتها في الدرج ..
ونزلت دق الجرس وجات حنين كان شكلها تووووحفه
شايله كيس كبير وفيه شيبس كبير ( ليز بالليمون والفلفل -ديريتوز حار وحلو - ديريتوز بالجين- ليز حار - شيتوس بالجبنه كانت تحسبه حار ولما وصلت المدرسه اكتشفت انه بالجبن
)
بس ربكم ستر
مرت الثلاث حصص الاولى ما اتذكر اللي اخذناه فيها كان كل عقلي مع الفسحه
جات ايات في الصبح واعطتنا البيتزا اللي سوتها كانت لزييييزه وطريه احسن من حقتي اللي سويتها هذيك المره
وندى لانها كانت تعبانه ما قدرت تسوي شئ ..
وعهود ماجابت شئ وجالسه تتشرط من اليوم اللي قبله وتقول لحنين جيبي ليز ملح وخل وشيتوس حار ومدري ايش كمان طلبت مو فاكره ..
وكالعاده الطمع ضيع ما جمع ..
حنين ما لقيت غير الشيتوس وفي النهايه اكتشفنا انه بالجبن مو الحار
اما انا ما طلبت غير اللي احبهم ديريتوز الازرق وليز بالليمون والفلفل وحنوونه جابتلي اياهم 
وامااا ميروووو جاابتلنا كيكه الشوكولاه اللي هي تسويها مررره لذييييذه وتززنن
نزلنا الفسحه وانتظرنا عند فصل اميره ما طلعوا
قمنا نزلنا لان الفسحه ما بقي الا 10 دقايق وتخلص..
جابت ايات معها شطه صغيره عشان ياكلونها مع البيتزا ..
انا ما احب الشطه كثير زيهم يادوبك نقطه ولا نقطتين
اول شئ فكينا الليز ليمون وفلفل اما الديريتوز قلت لا تفكونه عشان حرااام اميره تحبه ولا تطلعونه قدامي لاني مقدر اقاومه
طبعا حنين قامت بحراسة الديريتوز
الدوبا حنين جالسه هي وعهود ياكلون الليز ويصبون عليه شطه عهود اللي علمتها ولا حنين ما تسويها ..
وبعدين تجي تشتكي معدتي وقولوني 
قمت سحبت منهم الشطه ..
وحطيتها ورا اياات عشان يصعب عليها توصل الى هناك هاااااااااااااه هااااه هاااه هاه
قبل ما يدق الجرس يمكن بـ دقيقتين ..
نزلت اميره واخيرااا ..
بس كانت مستعجله اكلت شويه وقامت لان عندهم اختبار
واما الكيكه ما اكلناها 
قلنا خلاص مو مشكله ملقانا في الصرفه
طلعنا للفصل وجلسنا سواليف وضحك وكذاا ..
طبعا اليوم اللي قبله اختبرنا رياضيات وجبت العيد فيه
وجلست ادعي ان شاء الله ابله رحمه ما تجينا ..
عشان ما ابغى اعرف درجتي ..
المهم في الحصه الاخيره نزلوا عهود وندى ونزلت انا وحنين وراهم بس وقفنا شويه عند ايات ننتظرها ورحت اعطيها كتاب الانقلش اللي نقلت منه "قرفراف" الأرض
"قرفراف": مصطلح من قاموسي او بالأحرى كلجه من كلجاتي العجيبه تدل على البرقراف وهو قطعة تعبير نكتبها ونختبر فيها في الانقلش ..
نكمل ..
وعلى ما لمت ايات قشها لقيت ابله رحمه معاها ورق الاختبار وجالسه تدخل البنات الفصل 
قلت حنييييين امشي امشي بسرررعه
لا تطالعين فيها على طوول ننزل
ما امدانا نعطيها ظهورنا الا تنادينا بالإسم وتقول تعااالو تعاااالو ادخلوو
قلت هاااه 
لا لا بس كنا بننادي البنات عهود وندى في الدرج
ادخلو ادخلو عشان تشوفون درجاتكم واغلاطكم
طيب يا ابله 
دخلنا ووزعوا الاوراق
وشفنا الاغلاط ...ههههههههههه
وجبت 6 وربع وحنين 6 ونص اظن
اخذنا اوراقنا ونزلنا وجبنا حقت ندى وعهود واعطيناهم
طبعا عهود الفالحه ما كتبت اسمها ع الورقه
اتجمعنا كلنا ما عاد اميره 
كان عندهم حصة مراجعه انقلش ما خلتهم ينزلون الا قبل ما يفتح الباب بربع ساعه او اقل
جلسنا ننتظر ننتظر ننتظر
طفشنا قمنا اكلنا وسوالف وجلسنا نطالع في الغيوم
وشويه جات وجدان تقولنا ادخلوا الساحه الداخليه في ثنتين من الامن بيجون يفتشون المدرسه استغربنا قامت عهود تفتش في شنطتها قلنا وش عندك ؟
قالت ولا شئ بس اتأكد لا يكون جابه اشياء محظوره
هههههههههههه مافي ثقه في النفس ابد ..
ولما دخلنا جوا لقينا بنات يتضاربون وحده سرقت من وحده جوال والثانيه ضربتها ومدري ايش هبال بنات
بعدين رجعوا خرجونا قالو خلاص مافي شئ ..
يستهبلون!!
كملنا انتظارنا لاميره وكيكتها نبغى نذوقها قبل ما يفتح الباب ونروح ..
قامت تسألنا حنين انتو تنتظرون اميره لانها اميره ولا تنتظرون الكيكه ؟!!
كلنا بصوت واااحد..
ننتظـــــر الكـــــــــيكـــــــــــه
هههههههههههههههههههه
وجات اميره وجابت الكيكه اخييييرااااا
اكلناها كان طعمها لزييييز ما انساه ..
وخلاص بعد كذا فتح الباب وودعتهم
مدري ليه بس حسيت ان الفتره اللي راح اقضيها معاهم قليله راح نص السنه وباقي نصها الثاني ..
ليست هناك تعليقات:
إرسال تعليق